Светскиот „ловец на вируси“ објаснува колку е опасен корона

Добивај вести на Viber

Питер Пиот, микробиолог и еден од најпознатите светски „ловци на вируси“ е човекот кој помогна да се открие ебола кога имал 27 години и кој ја водел борбата против ХИВ-сидата. Тој е легенда во глобалното здравство. 

За коронавирусот вели дека тој не спаѓа во групата на луѓе кои се плашат, но предупредува дека ова е опасно. 

„Но, мислам дека ова е сериозно во смисла дека не можеме да си дозволиме да не го сметаме за сериозна закана“, вели тој за Фајненшл Тајмс. 

Toj кон крајот на јануари коментираше за опасноста од овој вирус. 

„Сè уште има многу исчезнати парчиња во сложувалката за целосно разбирање на овој нов вирус кој брзо се шири низ Кина, а веројатно и низ целиот свет. Во текот на следните денови и недели ќе знаеме многу повеќе, но има потреба од глобално дејствување. Добрата вест е дека до сега податоците сугерираат дека овој вирус може да има помал морталитет од САРС, ние имаме дијагностички тест и постои поголема транспарентност од изминатите децении. И тоа е од суштинско значење затоа што не можете да се справите со потенцијална пандемија само во една земја“, рече тој. 

Коронавирусот се прошири во 40-тина држави.