Талат Џафери требаше да им „нацрта“ на опозициските пратеници да бидат мирни
Објавено во: Македонија 14 Јули, 2017
Опозициските пратеници на ВМРО-ДПМНЕ продолжуваат со негодувањата во Собранието и во еден момент настана голема галама бидејќи министерот за финансии Драган Тевдовски доцнеше. Тоа предизвика необична реакција кај спикерот Талат Џафери кој постави знак на кој пишува на албански јазик„Тишина молам“. Џафери тогаш ја тргна од дневен ред точката за ребаланс на буџетот и посочи дека Деловникот мора да се почитува.
Тунтев од СДСМ побара да ја врати точката, но доби одговор од спикерот дека за тоа ќе треба да собере потписи од 20 пратеници за да се закаже итна седница. Откако пристигна, Тевдовски на говорница побара од Џафери да се врати точката на дневен ред, по што собранискиот спикер му укажа дека Собранието има деловник кој мора да се почитува.
Пратеникот од ВМРО-ДПМНЕ, Антонијо Милошоски, рече дека доцнењето на Тевдовски го загрозува донесување на буџетот.
Исто така не се усвои предлогот за ставање на дневен ред расправа за содржината на договорот за добрососедство со Бугарија по што пратениците на ВМРО-ДПМНЕ започнаа да удираат по пратеничките клупи, а Димовски обвини дека власта не е транспарентна и има негативен однос кон опозицијата.