ТЕШКА СООБРАЌАЈКА НА ПАТОТ УДОВО - МАРВИНЦИ: Му немало спас, моторциклист загина на лице место
Објавено во: Македонија 07 Јуни, 2023
Повозрасен жител на село Пирава загина во сообраќајна незгода која се случила на патот Удово - Марвинци. Имено, М.К. возел мотор и се судрил со сузуки управувано од жителка на село Јосифово.
- На 06.06.2023 во 13.50 часот во Полициската станица Валандово било пријавено дека на магистрален пат А-1, делница село Удово – село Марвинци, општина Валандово, се случила сообраќајна несреќа помеѓу мотоцикл со гевгелиски регистарски ознаки, управуван од М.К.(68) од село Пирава, валандовско и патничко возило „сузуки“ со валандовски регистарски ознаки, управувано од А.Д.(36) од село Јосифово, валандовско - соопштуваат од МВР.
Од таму додаваат дека од здобиените повреди на местото починал мотоциклистот, а смрт констатирал од лекар од Здравствен дом Валандово.
Што се однесува до А.Д., која го возела сузукито, исто така се здобила со тешки телесни повреди, констатирани во Медицински центар Гевгелија.
Увид на местото на несреќата извршиле Јавен обвинител од Основното јавно обвинителство Гевгелија и екипа од Полициската станица Валандово.