Тетекс Тетово со пад на приходите од продажба за 11% во 2012 година

Добивај вести на Viber

Текстилниот комбинат Тетекс од Тетово 2012 година ја заврши со пад на приходите од продажба за 11% и намалена добивка. Според неревидираниот финансиски извештај на компанијата објавен на Македонската берза, Тетекс 2012 година ја заврши со вкупни приходи од 230 милиони денари или 3,7 милиони евра што е намалување за 11%, споредено со 2011 година. При тоа раст бележат приходите од продажба на домашен пазар кои учествуваат со 51% од вкупните приходи на компанијата , додека продажбите на странски пазар се намалени. Заклучно со крајот на годината, добивката изнесува 3.099.000 денари, што е за 16% помала споредено со добивката од  3.599.000 денари во 2011 година, покажува финансискиот извештај на текстилниот комбинат. Од компанијата велат дека  во постоечките услови на работење комбинатот, перманентно ги испитува трошоците на работење и настојува да го подобри  квалитетот на продукцијата како би ги задоволил очекувањата на  купувачите, акционерите, вработените и добавувачите. Тетекс Тетово е ориентирана најмногу кон производство на машки и женски конфекциски производи  од различни типови на ткаенини. Компанијата е  извозно ориентирана  и главни извозни пазари се во Европа (Германија, Италија, Велика Британија, Франција, Данска, Грција, Австрија, Словенија, Хрватска, Бугарија) и Америка. Покрај основната дејност групацијата Тетекс АД Тетово има вложувања и во други дејности и тоа: банкарство (најголем поединеччен акционер на ТТК банка АД Скопје), електро-машински услуги и инженеринг, трговија со нафтени деривати