Црна дупка во буџетот на Грција!?
Објавено во: Балкан 29 Март, 2013
Нема „црна дупка“ во државниот буџет на Грција, дециден е грчкиот министер за финансии Јанис Стурнарас, алудирајќи на информациите кои кружат во медиумите дека во буџетот на државата е откриен недостиг од една милијарда евра.
„Нема никаква црна дупка. Нема никакви проблеми со приходите во буџетот“, изјави тој.Министерот потврди дека меѓународните кредитори ќе пристигнат следната недела во Атина за разгледување на исполнувањето на обврските на државата во рамки на програмата за финансиска помош.
Претходно весникот Вима објави дека во буџетот има недостиг од една милијарда евра, а повикувајќи се на владин извор во написот се тврди дека поради оваа дупка, останува отворена можноста кредиторите да наметнат нови мерки за штедење во Грција.