ТУРЦИЈА СО НОВ РЕКОРД - Инфлацијата ги надмина очекувањата: во јануари забрза на речиси 65 отсто
Објавено во: Финансии 05 Февруари, 2024
Годишната стапка на инфлација во Турција во јануари се забрза на 64,86 отсто од 64,77 отсто во декември, објави Турскиот институт за статистика – Туркстат. Инфлацијата во Турција е највисока во последните 14 месеци.
Истовремено, турската лира падна на ново историски најниско ниво во однос на доларот, бидејќи американската валута денеска се тргуваше за 30,55 лири.
На годишно ниво, најмногу во јануари пораснале цените на услугите во хотелите, кафулињата и рестораните, за 92,27 отсто, како и во образованието за 79,81 отсто, здравството за 78,57 отсто и превозот за 77,54 отсто, објави сајтот Туркстат. .
Алкохолните пијалаци и тутунот поскапеле на годишно ниво за 61,60 отсто, облеката и обувките за 40,62 отсто, а храната и безалкохолните пијалаци за 69,71 отсто.
BREAKING: Turkey reports annual inflation of 64.86% in January, the highest in 14 months. pic.twitter.com/7R3ilhwtqd
— World Times (@WorldTimesWT) February 5, 2024
На месечно ниво инфлацијата скокна за 6,70 отсто во однос на декември.
Годишната основна стапка на инфлација во Турција во јануари изнесува 70,48 отсто.
Централната банка на Турција (TCMB) претходно ја зголеми референтната каматна стапка на 42,5 отсто од 40 отсто во декември, велејќи дека сегашното ниво на домашна побарувачка, стабилниот раст на цените во услужниот сектор и геополитичките ризици продолжуваат да вршат притисок врз зголемената инфлација во Турција, објавија медиумите.
Фото: Принскрин/Твитер