Украинскиот парламент го донесе контроверзниот Закон за мобилизација
Објавено во: Свет 11 Април, 2024
Украинскиот парламент денеска го усвои нацрт-законот со кој се воведуваат построги одредби за мобилизација. Законот има контроверзен текст бидејќи не предвидува рокови за демобилизација на војниците.
"Готово е! Донесен е Законот за мобилизација. За него гласаа 283 пратеници“, објави пратеникот Олексеј Гончаренко на Телеграм.
Текстот со кој се зголемуваат санкциите за прекршителите на законот, предизвика скандал бидејќи во последен момент беше отстранета одредбата која предвидува демобилизација на војници кои отслужиле 36 месеци.
Ова ќе биде тежок удар за војниците кои се борат повеќе од два. години.
Санкциите за оние кои ќе се обидат да избегнат мобилизација отсега ќе бидат построги, а законот ќе ги олесни процедурите за регрутирање бидејќи воведува дигитална база на податоци.
За да стапи во сила, тој мора да биде потпишан од претседателот Володимир Зеленски.
На почетокот на април Украина ја намали возраста за мобилизација од 27 на 25 години.