Важен економски договор, кој се однесува на Грција, гас и многу пари, ќе се случи наесен во 2018 година?
Објавено во: Економија 16 Декември, 2017
Приватизацијата на грчкиот оператор на мрежата за пренос на гас „Desfa“ може да се случи најрано во есента 2018 година. Ова го пренесе Катимерини, повикувајќи се на свои извори.
Според изданието во февруари или март 2018 година ќе има договор за продажба на 66% од компанијата, по што договорот ќе се анализира од регулаторите, вклучувајќи и од Европската комисија.
Проверката на договорот ќе трае околу шест месеци.
Потоа, ќе се оддели поделбата на средствата на „Desfa“ и на гас-операторот DEPA. Така, приватизацијата на „Desfa“ ќе заврши не порано од крајот на третиот квартал од 2018 година.
Тогаш ќе бидат префрлени и парите во грчката каса, бидејќи државата држи удел од 31% од „Desfa“ кој ќе биде продаден, и во „Hellenic Petroleum“, кој ги поседува останатите 35%.
На крајот на ноември приватизацискиот фонд на Грција објави продолжување на рокот за приватизација на гасното друштво по барање на инвеститорите.
За компанијата се борат шпанската „Regasificadora del Noroeste“ и конзорциум меѓу „Snam“, „Enagas Internacional“, „Fluxys“ и „Nederlandse Gasunie“.
Според грчките медиуми, договорот е одложен поради разговорите за цената. Од Hellenic Petroleum инсистираат како појдовна точка да биде земен износот од 400 милиони евра кои Socar изјави дека е подготвена да ги плати во 2013 година.
Продажбата на операторот на мрежата е по барање на доверителите на Грција со цел да се намали државниот удел во енергетиката.
Затоа има барања за продажба на ТЕЦ, како и акции на државната енергетска компанија ППЦ.