(ВИДЕО) Дали е ова „Чернобил на вода“?
Објавено во: Свет 29 Април, 2018
Руската контроверзна пловечка нуклеарна централа тргна вчера на првото патување по море.
Пловечката нуклеарка „Академик Ломоносов“, прва од таков вид во светот, тргна од бродоградилиштето во Санкт Петербург по Балтичкото Море, а потоа околу северниот дел на Норвешка до Мурманск, каде нејзините реактори ќе бидат наполнети со нуклеарно гориво.
Проектот е на удар на критики на активистите за заштита на животната средина кои наведуваат дека станува збор за „Чернобил на вода“.
Пуштањето во работа на нуклеарната централа е планирано за крајот на 2019 година кај Чухотка, со цел со струја да ги снабдува градот и нафтените платформи, но и зафрлените воени бази.