(ВИДЕО) Домашни логисти им помагале на Грујевски и Бошковски да избегаат

Добивај вести на Viber

Доколку немале помош од домашна страна, екс началникот во УБК и поранешниот вработен во истата институција немало да можат да избегаат.

Ова го изјави министерот Оливер Спасовски.

Министерот во емисијата 360 степени истакна дека Горан Грујевски и Никола Бошковски имале помош од Македонија, како логистичка така и финансиска.

„Домашната логистика е клучната за целото нивно поминување надвор од територијата на Република Македонија. Ако немале домашна логистика, ако немале луѓе коишто ќе им даваат обезбедувања во однос на финансиски сретства и така натаму, дури и со тие нелегални патни исправи, тоа не можеле да го направат. Важна е за нас помошта која ја добивале од луѓе од внатре. Таа е констатирана и многу извесна, и сега тука треба Обвинителството да работи сериозно и на овој сегмент“, потенцираше министерот Оливер избегна да шпекулира во однос на било какви податоци и врски.

Потсетуваме дека двајцата екс разузнавачи кои СЈО ги гони во однос на нелегалното прислушување моментално се наоѓаат во притвор во соседна Грција. Токму таму, на 80 километри тие се криеле а се уапсени на солунскиот аеродром при обидот да избегаат во Будимпешта.

Грујевски и Бошковски се уапсени под лажни идентитети и со фалсификувани пасоши.

Вчерашното судење грчките судови го одлоќија и презакажаа за во вторник.

Во меѓувреме Македонија почна постапка за екстрадиција на двајцата бегалци.

ФОТО: Ројтерс