(ВИДЕО) Една жена висеше низ прозор, друга гореше: Страотни сведоштва на лекарите од несреќата кај Куршумлија
Објавено во: Балкан 03 Мај, 2019
„Жена која седела зад совозачкото седиште, висела низ искршен прозор на автобусот. Била жива, повредена и заглавена помеѓу две цевки и лим од вазачкото и нејзиното седиште. До неа била уште една личност која не давала знаци на живот. Возачот изгорел на седиштето ...“
Вакви страотни детали на несреќата на патот помеѓу Куршумлија и Прокупље, опишуваат лекарите на Итната помош на Домот за здравје во Куршумлија, кои први стигнале на лице место. До несреќата дошло кога од, уште непотврдени причини, автобусот со десет патници преминал во спротивната коловозна лента и директно се судрил со камион. Автобусот веднаш пламнал и огнот се ширел неколку метри во воздух околу возилата. Шест патници во автобусот се здобиле со тешки и лесни телесни повреди додека четворица од нив загинале на лице место.
Лекарот Славиша Дошовиќ, медицинската сестра Гордана Костиќ и возачот на Итната помош Милош Драмичанин, кога стигнале на повикот поради несреќата биле шокирани од морбидната глетка. Третина од автобусот тогаш на големо бил во пламен.
-Огнот се ширеше, во автобусот нешто експлодира, но се обидовме да ја извлечеме тешко повредената но уште жива патничка ... Што ли не се обидовме, но бевме немоќни. Друга жена, која ја извлекоа мештаните кои дошле на лице место, гореше насред пат. Сестрата и возачот успеале да го изгаснат пожарот на неа и да ја извлечат до возилото. Уште двајца повредени мажи ги внесовме во санитетот и најбрзо што можевме тргнавме за болницата во Прокупље - потресено раскажува лекарот Дашовиќ.