(ВИДЕО-ФОТО) „Самсунг“ ги престави „Galaxy S6 edge+“ и „Note 5“

Добивај вести на Viber

Хардверска тастатура за Galaxy Note 5 е реална

Уредите со хардверска тастатура се помалку и засега се присутни главно во портфолиото на канадската компанија „BlackBerry“. „Samsung“ исто така смета дека овој тип на внесување на информации сеуште е баран од професионалци и тоа е причината за да се претстави додаток со дополнителна тастатура за „Galaxy Note 5“ и „Galaxy S6 еdge +“. Уредот не користи безжична врска - се става се на екранот, а смартфонот ја препознава достапност и автоматски го менува интерфејсот, за да остане видливо се. Притискањето на копчињата се зема предвид само при допир на екранот, а кога не се користи тастатурата може да биде поставена на задниот капак за да не пречи.

Во Европа „Samsung“ ќе се фокусира на „Galaxy S6 edge +“

„Samsung“ ги потврди гласините дека „Galaxy Note 5“ нема да е достапен на сите пазари. Ова, за возврат ги потврдува информациите дека уредот нема да биде пуштен засега во Македонија. Според соопштението на компанијата за сајтот „Trusted Reviews“ достапноста на „Galaxy S6 edge +“ и „Galaxy Note 5“ се прави врз основа на потребите на потрошувачите и конкретните пазарни услови. Поради оваа причина „Galaxy Note 5“ ќе биде пуштен во САД и азиските пазари уште овој месец, а подоцна компанијата ќе ја разгледа можноста да го понуди на другите пазари.

Генерално во Европа „Samsung“ ќе се фокусира исклучиво на „Galaxy S6 edge +“, кој ќе се продава од почетокот на септември. Веста сигурно ќе е разочарувачка за фановите на серијата „Galaxy Note“, иако двата модела се речиси идентични, а разликите помеѓу нив се бројат на прсти - „Galaxy Note 5“ има пенкало, а за возврат „Galaxy S6 edge +“ нуди билатерален извиткан дисплеј.