(ВИДЕО) Индискиот пилот на слобода, го дочекаа како херој
Објавено во: Свет 01 Март, 2019
Пакистан го ослободи индискиот пилот, кој ја преминал границата и е дочекан како херој.
Командантот на индиската авијација Абхинандан Вартаман кого пред два дена го зароби пакистанската армија по воздушниот инцидент над спорниот регион Кашмир, е предаден на индиските власти.
Главните индиски телевизиски канали директно го пренеле овој настан. Воениот заробеник е предаден на индиската страна во областа на пограничната населба Вагах во Кашмир.
Одлуката Вартаман да се врати во Индија како „гест на мирот” ја објави премиерот на Пакистан, Имран Кан.
Прво било планирано Индија да испрати специјален авион во Пакистан за да го преземе својот ранет пилот и што е можно побрзо да го пренесе во болница. Но, Исламабад го одбил тоа барање.
На 27-ми февруари, пакистанската армија објави дека соборила два индиски воени авиони кои го нарушиле воздушниот простор во спорниот Кашмир и заробила двајца пилоти.