(Видео) Прв Оскар за Леонардо ди Каприо, еве на кого го посвети

Добивај вести на Viber

По шест номинации во категоријата за најдобар актер, Леонардо ди Каприо конечно доби Оскар за најдобра машка улога во филмот „ Revenant “.

Примајќи ја наградата, холивудскиот актер му се заблагодари на сите кои соработувале со него, потенцирајќи дека овој филм му бил најголемиот предизвик во животот.

„Revenant беше призвод на неуморните напори на една неверојатна екипа со која имав чест да работам. Сакам да се заблагодарам на сите што уште од почетокот на мојата кариера се покрај мене, на колегите и на моето семејство, без кое ова денеска би било невозможно. “ – рече Лео на неговиот говор на доделувањето на Оскарите.

Режисерот на овој филм Алехандро Инариту ја доби наградата за најдобар режисер.

Наградата за најдобра женска улога ѝ припадна на Бри Ларсон за улогата на Џој во „Соба“.

Филмот „Спотлајт“ беше прогласен за најдобар филм на синоќешното 88. доделување на наградите на Американската филмска академија.

За најдобра споредна машка ролја награден беше Марк Рајленс за улогата во трилерот на Стивен Спилберг „Мост на шпиони“, а со најдобра споредна женска улога се закити Алисија Викандер за своето остварување во „Данкинка“.

„Лудиот Макс“ доби дури шест статуетки „Оскар“, за најдобра костумографија, најдобра сценографија, најдобра маска, најдобра монтажа, најдобра монтажа на звук и за најдобар микс на звук.

Филмот „Ексмашина“ доби „Оскар“ за најдобри визуелни ефекти, „Во мојата глава“ за најдобар долгометражен анимиран филм, а „Приказна за мечката“ за најдобар краток анимиран филм. „Ејми“ е најдобар документарен филм, „Девојката на реката: Цената на збогувањето“ е најдобар краток документарен филм, а „Синот на Саул“ ја доби наградата за најдобар филм од странско говорно подрачје.