(ВИДЕО) Камионџии тргнаа на протест пред Влада
Објавено во: Економија 28 Април, 2020
Стотици камионџии од зборното место тргнаа на протест пред Владата за да бараат укинување на дополнителните акцизи на горивата и воведување на прогресивен данок заради надминување на економската криза предизвикана од епидемијата.
Превозниците денеска точно во 12.00 часот ќе протестираат пред Владата со барање за укинување на дополнителната акциза на горивата и наместо тоа - воведување прогресивен данок. Оваа дејност е незадоволна од понудените економски мерки како олеснувања за време на кризата.
Секој кој е во возило мора да има маска и ракавици. Возачите на возилата не смеат да излегуваат надвор од кабините поради потребната физичка дистанциранот и забраната за јавни собири. Организаторот тврди дека од цела држава се јавуваат и пријавуваат голем број превозници за да се приклучат на протестот.