(ВИДЕО+ФОТО) АВСТРИЈА Е БЛОКИРАНА: Снегот остави илјадници семејства без струја
Објавено во: Свет 13 Ноември, 2019
Блокирани патишта, затворени училишта и домаќинства без електрична енергија има по снежното невреме кое ја зафати Австрија.
Во текот на ноќта паднале повеќе од 70 сантиметри снег во западниот дел на Австрија.
Со обилните снежни врнежи погодени се покраините Корушка, Тирол, Салцбург.
Училиштата во Корушка се затворени поради обилните врнежи, а 1.000 домаќинства во регионот се без струја.
Повеќе патишта во Корушка се затворени за сообраќај поради паднатите дрвја.
Железничкиот сообраќај е запрен помеѓу Шладминг и Гребминг.
Еден тунел на автопатот Таунернаутобан (А10) е привремено затворен за сообраќај.