ВИСОКИ ТЕМПЕРАТУРИ ЗА ОВОЈ ПЕРИОД: Попладне ќе има и нестабилност
Објавено во: Македонија 11 Септември, 2017
Во Македонија денеска по свежото утро со утрински температури коишто се движат од 6 до 17 степени, во текот на денот времето ќе биде претежно сончево со појава на локална облачност и многу топло време со дневни температури кои што ќе го надминат повеќегодишниот просек за овој период од годината.
Тие ќе се движат од 24 до 35 степени. Во текот на денот ќе дува засилен јужен и југоисточен ветер кој ќе достигне брзина и до 3о км/ч. Во доцните попладневни и во вечерните часови од запад под влијание на циклонска активност се очекува продор на влажна воздушна маса која што ќе услови нестабилно време со слаби врнежи од дожд. Врнежите од дожд прво ќе ги зафатат западните предели и ќе се движат кон исток и североисток, со исклучок во крајните југоисточни и источните предели каде што врнежите најверојатно ќе изостанат.
Во вторник и среда во земјава ќе преовладува претежно сончево време со појава на локална облачност и посвежо време. Утринските температури ќе бидат од 10 до 19, односно од 8 до 17 степени, додека пак максималните дневни температури ќе достигнат до 30 степени. Во четврток и петок по свежото утро со температури од 7 до 16 степени, во текот на денот ќе биде претежно сончево и топло време со дневни температури кои што ќе бидат во пораст и ќе се движат од 23 до 33 степени.