Вкусот на македонските вина отсега достапен во специјализирани продавници

Добивај вести на Viber

Продавници со површина од 30 до 100 метри квадратни во кои ќе се продаваат македонски вина ќе се отворат во неколку градови низ државава. Нив, како што информира денеска министерот за земјоделство, Љупчо Димовски, ќе ги финансира државата. Имено станува збор за средства во висина од 10 милиони денари кои ќе бидат одвоени од Програмата за рурален развој. Првите продавници, вкупно десет, ќе се отворат во Скопје, Охрид, Берово, Кавадарци, Штип, Струмица, Прилеп, Битола и Крушево. Министерството ќе покрива-опремување на продавницата во висина од 50 отсто од направените трошоци , 50 отсто од надоместокот за закупнина, но не повеќе од 30.000 денари месечно, како и надоместоци за бруто-плата на најмногу две вработени лица, ограничен на просечна месечна бруто-плата во дејноста. Воедно ќе спроведе и обука за вработените кои ќе треба да знаат се за виното. Корисникот на средствата треба да склучи договори со најмалку 15 производители на вино за снабдување со вина и да има склучено договор во излогот или на полиците да изложи најмногу седум различни етикети од нивната понуда.