Владата им олесни на рудниците за роковите, но концесии и натаму ќе плаќаат
Објавено во: Економија 17 Април, 2020
Со цел да им излезе во пресрет на концесионерите на минерални суровини, Владата донела Уредба со законска сила, за тие да можат непречено да работат во време на вонредна состојба.
„Со оваа Уредба, роковите за постапките за концесии претстануваат да течат за време на траењето на вонредната состојба, и продолжуваат по истекот на траењето на вонредната состојба, но само за онолку денови колку што преостанале од денот на истекот на траењето на вонредната состојба. Целта е да се создадат услови за непречено продолжување со работа, без претходно концесионерите да имаат импликации поради доделените концесии, заради неможноста за исполнување на конкретни обврски од Законот за минерални суровини“, рече министерот за економија, Крешник Бектеши.
Со оваа Уредба не се предвидува одложување на наплатата на концесискиот надоместок, бидејќи истиот се плаќа по продадена експлоатирана количина на минерална суровина.
Од друга страна, обрската за наплата на концесискиот надоместок за користење н просторот, истекува на 31 декември, и со тоа ќе се наплаќа до крајот на годината.