Властите ќе забранат продавниците да работат во недела и на празници
Објавено во: Балкан 19 Октомври, 2017
Словенија е на пат да забрани продавниците да работат во недела и на празници.
Новиот Закон за трговија во Словенија предвидува затворање на продавниците во недела и на празници, а би можел да стапи на сила во февруари 2018 година.
Независниот пратеник Андреј Чуш со помош на коалиционите партнери собрал 25 потписи потребни за општа расправа во парламентот за измени во законот.
„Пред да стапи на сила, законот мора да помине во парламентарниот Одбор за економија, и измените на законот може да бидат усвоени на пленарна седница во декември“- вели Чуш.
Тој додава дека најголемата коалициска партија во Словенија ги поддржува измените.
Слична иницијатива да не се работи во недела има во Србија, но по предлог на синдикатите.Унгарија пак е земја каде продавниците не работеа во недела, но подоцна властите се откажаа од оваа забрана.