Во Благоевград ќе се отвори клубот „Никола Вапцаров“, градоначалникот се премисли
Објавено во: Македонија 21 Октомври, 2022
Градоначалникот на Благоевград Илко Стојанов се премисли и дозволи отворање на клубот „Никола Вапцаров“.
Клубот ќе биде отворен на 30 октомври. На свеченоста, според соопштението, поканети се и првите луѓе на македонската и на бугарска влада.
Клубот е основан од иницијативен комитет, во чиј состав е и Здружението за заштита на основните индивидуални човекови права, а ќе има за цел да ја развива македонската традиционална и модерна култура, да гради културен мост меѓу Македонија и Бугарија и да ги зајакне врските меѓу Македонците и Бугарите ширум светот, велат организаторите на настанот.
Претходно, локалните власти забранија отворање на македонски културен клуб. Македонците од Бугарија реагираа на ваквата одлука и прашуваа зошто е спорен клуб кој носи име на поет.