Вучиќ сака добри односи со Заев, но Србија нема да трпи удари
Објавено во: Балкан 05 Септември, 2017
Српскиот претседател Александар Вучиќ по дипломатскиот нејасен и непотребен потег за повлекување на амбасадорскиот персонал од Скопје во интервју за ТВ Хепи во Србија посочи дека сака добри односи со премиерот Заев и Република Македонија но, нема повеќе да трпат било какви удари и нефер третман.
– Мене ме интересира каква ќе биде нивната политика кон Србија и важно ни е каков ќе биде нивниот став по повод УНЕСКО, по повод некои други прашања кои се важни за Србија, На тоа ќе градиме реципрочни, искрени и добри односи со Македонија, но нема повеќе на кого било да му бидеме вреќа за удирање, а ниту да кренеме раце, истакна Вучиќ.
Тој во телевизиското интервју се осврна и шпекулациите за ангажирање на САД во дијалогот Белград – Приштина.
– Ние прифативме дијалогот меѓу Белград и Приштина да се води во Брисел, а може да се води каде било под патронат на Брисел и тоа е во ред, но ако се уфрлуваат некои други играчи, тогаш дајте да разговараме за тоа кој уште треба да влезе, посочи Вучиќ.