Добивај вести на Viber
Нов јогурт е пласиран на македонскиот пазар од Млекарницата „Идеал Шипка“. Станува збор за јогурт со 3,5 проценти масленост, произведен од млеко од домашно потекло, без адитиви, направен според традиционална рецептура.
- Одлучивме да им понудиме на потрошувачите ферментиран млечен производ кој многу потсетува на домашниот јогурт кој го подготвуваа нашите мајки и баби. Масленоста од 3.5% му дава исклучително полн млечен вкус, а високиот процент на млечни киселини – идеална нутриционистичка вредност, што научно и медицински е докажано дека го зајакнува имунитетот, потенцираше Димитар Павлевски, директор на производство во млекарницата „Идеал Шипка“.
Новиот производ веќе од денеска ќе биде достапен во поголемиот број трговски објекти низ земјата. Покрај во стандардно пакување од 1 литар во практична ПЕТ амбалажа во боја, новиот јогурт, во промотивниот период, ќе биде достапен и во специјално пакување од две шишиња со подарок чаша.
Млекарницата „Идеал Шипка“ е дел од најголемата светска млечна индустрија „Лакталис“. За потрошувачите во Македонија, освен млечни производи од брендот „Идеал Шипка“, во своето портфолио ги нуди и производите од брендот „Дукат“, како и „Президент“, најпознатиот бренд за сирења во светот.