Заев: Дефинитивно имаме напредок и во делот на признавањето на МПЦ

Добивај вести на Viber

Премиерот Зоран Заев, ја поздрави одлуката на Бугарската патријаршија да го прифати барањето на Македонската православна црква – Охридска архиеписокопија, да и биде мајка –црква. Како што рече Заев, ова значи и признавање на автокефалноста на МПЦ, пример, рече, што се надева ќе го следат и другите православни цркви.

„Ние не сакаме да се мешаме во односи меѓу црквите, но оваа порака е исклучително позитивна, можам само да ја поздравам. Дефинитивно имаме напредок и во делот на признавањето на нашата Македонска православна црква. Прифаќањето од бугарска страна да се биде мајка значи ќе го води целиот процес за помагање на признавањето на афтокефалноста на нашата МПЦ. Се надевам сите други православни цркви ќе го следам примерот, затоа што да се биде мајка – црква завршува со признавање на МПЦ. Среќен сум што градиме пријателства дава резултати, ние сме мала земја само со пријатели ќе можеме да одиме напред, а со тоа и ќе можеме да отвараме нови преспективи“ – изјави Заев, објави Фокус. 

Светиот синод на Бугарската православна црква на денешната седница одлучи да се ангажира и застапува пред  помесните православни цркви за востановување на канонскиот статус на Македонската православна црква.

На седницата на Синодот на бугарската патријаршија донесена е одлука за формирање на синодска Архиерејска комисија од осум члена, која ќе ја застапува МПЦ пред останатите помесни православни цркви за утврдување на канонскиот статус на МПЦ.