ЗАЕВ-РАМА: Односите помеѓу Албанија и Македонија одат по нагорна линија
Објавено во: Македонија 15 Декември, 2017
Во Поградец денеска се одржа заедничка седница на македонската и албанската Влада. На седницата на која присуствуваа премиерите Зоран Заев и Еди Рама е изнесена оценката дека оваа е историска активност.
На заедничката прес-конференција Заев изјави дека Македонија и Албанија треба да го искористат позитивниот момент за интеграција во структурите на ЕУ.
Тој додаде дека двете Влади се договорени да се реализираат повеќе проекти од областа на инфраструктурата. Заев вели дека има потреба патот Арбери кој се гради во Албанија од Тирана па се до македонската граница кај Дебар, да се продолжи и на македонска страна со цел да се зголеми трговската размена и развојот на економијата на двете страни од границата.
„Утре ќе го посетеме и македонското малцинство во Пустец и сметам дека Македонците во Албанија се мост за зближување на двете држави“- изјави Заев.
Рама изјави дека односите помеѓу Албанија и Македонија сега одат по нагорна линија. Тој додаде дека целосата реализација на Охридскиот договор е многу важна за демократските односи во Македонија. Рама истакна дека постигната е согласност граничниот премемнин Требиште – Џепиште помеѓу Албанија и Македонија кај Дебар наскоро да започне да работи 24 часа.
Рама пред новинарите го изнесе и големото задоволство што кај македонската Влада има интерес патот Арбери, кој се гради до границата со Македонија кај Дебар, да се продолжи и во Македонија. Тој истакна дека ќе има и една заедничка економска зона во согласност со препораките на ЕУ.
Потпишани се повеќе меморандуми.