Заев: Режимот го бутнавме, на 11. декември ќе го славиме животот
„Што ќе славиме на 11 декември? Пад на режимот? Тој е веќе паднат. Нас не ни треба победа заради победа, заради хранење на егото. Што тогаш ќе славиме на 11 декември? Ќе го славиме животот во нашата прекрасна Република Македонија, рече Заев.
Објавено во: Македонија 02 Октомври, 2016
Ќе се избориме заедно за солзи радосници, за насмевки, за живот во Македонија, рече во своето обраќање на конгресот на СДСМ, претседателот на партијата, Зоран Заев.
„Точно е СДСМ се отвори, битката што се отвори е поголема и преважна за да ја водиме сами. Затоа пораката од овој конгрес е секој е важен, секој има мака, идеја, секој ќе ислушаме, секому ќе подадеме рака. Чувте и жени и мажи и нечии родители и нечии деца. Програмата не е дело на некои луѓе кои се затвориле во канцеларии и твореле. Ние сме само моливот во рацете на граѓаните. Ги отваравме вратите, разговаравме со граѓаните. Од денеска секој штаб и канцеларија да ги остави вратите отворени. Луѓето знаат каде може да тропнат. Ќе ги слушате и ќе ги решавате нашите проблеми. Вака му доликува да работи на социјалдемократскиот сојуз и само така ќе работи“, истакна Заев.
Според него, режимот на Груевски нема да се бутне на 11 декември, бидејќи веќе е паднат.
„Што ќе славиме на 11 декември? Пад на режимот? Тој е веќе паднат. Ние граѓаните го турнавме. Нас не ни треба победа заради победа, заради хранење на егото. Што тогаш ќе славиме на 11 декември? Ќе го славиме животот во нашата прекрасна Република Македонија!“, рече претседателот на СДСМ.
Освен за една фамилија и мала група околу нив, според Заев, за повеќето граѓани ова не е живот.
„Крпен живот во моментов не е само наслов на книга, туку најпрецизно објаснување за ова што се случува. Но како би живееле ако имате помали трошоци за живот, кога не би се плашеле да влезете во супермаркет, кога не би биле под стрес од неплатени сметки, или кога би имале пари да отидете на одмор? Ништо ова што го набројав не е луксуз. Секој има право на достоинствен живот. Нема индивидуална среќа без колективна, животот ни го покажа тоа на сите нам“, рече тој.
Заев зборуваше и за мерките на СДСМ со кои партијата ќе се обиде да ги освои гласовите на граѓаните на наредните избори.
Можеби ќе ве интересира
ВАКА ИЗГЛЕДА РИМСКИОТ АКВАДУКТ ВО СКОПЈЕ: „Требаше да се реставрира, но нема ништо од тоа“, вели Грчева
ВИДЕО: ДВЕ СТРАШНИ СООБРАЌАЈКИ НОЌЕСКА ВО СКОПЈЕ: Едната во Центар, другата во Чаир
ОДГОВОРИТЕ ОД ПАРТИИТЕ ГИ ЧЕКААТ ДО ВТОРИ МАЈ, ПОТОА ЌЕ ГИ ОБЈАВАТ ЗА ГРАЃАНИТЕ САМИ ДА ОДЛУЧАТ ЗА КОГО ЌЕ ГЛАСААТ: Шанса за Центар со 18 прашања до партиите
КОЈА Е ГОРДАНА СИЛЈАНОВСКА ДАВКОВА КОЈА ВО ПРВИОТ КРУГ ОСВОИ НАД 350 ИЛЈАДИ ГЛАСОВИ? Втор пат ја трча претседателската трка, првиот пат изгуби од Пендаровски
ТИЕ ШТО МОЖАТ ЗА ПРАЗНИЦИТЕ ЌЕ СИ ИЗВАДАТ МИНИ ОДМОР: Први мај паѓа во среда, а велигденските неработни денови почнуваат од петок
ФАКТОР НА ДЕНОТ: Ковачевски демантира дека се спрема бојкот за претседателските избори
ПЕТРОВСКА ВЕЛИ ДЕКА ВМРО-ДПМНЕ ГО ЗАМЕНИЛА ИМЕТО МАКЕДОНИЈА ВО СТАТУТОТ СО „ДРЖАВАТА“: Стојаноска сe закани дека ќе ги фрли листовите
КАСАМИ: Ќе има европска влада во која коалицијата „Влен“ веќе е најавено дека ќе биде дел
БУГАРСКИ ДНЕВНИК: Странска интервенција од неочекуван правец ги смени македонските избори
