Законот за бранители оди по итна постапка, кои се буџетските импликации?

Добивај вести на Viber

Извршниот комитет на ВМРО-ДПМНЕ на својата денешна седница донесе одлука да препорача на пратеничката група на ВМРО-ДПМНЕ да го повлече од процедура во редовната постапка предлогот за донесување на законот за бранителите. ВМРО ДПМНЕ повторно ќе го поднесе во скратена постапка до Собранието на РМ. Во исто време извршниот комитет на ВМРО-ДПМНЕ препорача до пратеничката група да се заложи за ограничување на дискусиите во новата скратена постапка во работата на комисиите, согласно правилата од Деловникот за работа кои важат за пленарната седница на Собранието на РМ, а со цел да се спречи злоупотребувањето на Деловникот и несуштинското траење односно одолговлекување на дискусиите. Донесувањето на законот за бранители ќе донесе нови финансиски импликации по буџетот на Македонија, но досега никој не направи точна пресметка колку тоа ќе чини. Претпоставка е дека годишниот издаток ќе се мери во повеќе милиони евра. Инаку досега никој, или речиси никој не зборуваше за финасиските импликации од законот, туку во преден план беа политичките недоразбирања кои тој ги предизвика. ДУИ, е досега го блокираше донесувањето на законот преку одолговлекување на комисиските расправи.