„ЖОЛТИТЕ ЕЛЕЦИ“ ЖЕСТОКО МУ ВОЗВРАТИЈА НА МАКРОН: „Прекасно се сетивте“!
Објавено во: Свет 06 Декември, 2018
Француските демонстранти ја поздравија одлуката на претседателот Емануел Макрон за откажување од зголемување на данокот на горивата, кој беше планиран за следната година.
Сепак, тие велат дека тоа можеби нема да биде доволно за да се заузда гневот на јавноста.
-Мислам дека таа одлука е донесена предоцна-рекла за АП портпаролката на „жолтите елеци“ Жаклин Муро.
Таа наведува дека различни протестни групи сега ќе одлучат што ќе прават, но оценила дека многумина веројатно ќе останат при одлуката за понатамошни протести.
Потегот на Макрон е исправен, но мислам дека нема суштински да го промени курсот-рекла Муро.
Таа ги повика демонстрантите да ја искористат слабоста на француската влада и ќе се залага за другите барања како што е зголемување на минималната заработка.
Антивладините протести почнаа минатиот месец поради зголемување на данокот на гориво, но прераснаа во протести од големи размери со широка низа на обвинувања и гнев против Макрон.
Француската влада се откажува од зголемувањето на даноците на гориво во 2019та кое претходно беше суспендирано на шест месеци, соопшти францускиот премиер Едуар Филип.
Тој на пратениците во францускиот парламент им кажал дека од зголемување на данокот сега се откажуваат во буџетот за 2019та година и порача дека владата е спремна за дијалог.