Над 15 000 верници очекува Владата за посетата на Папата Франциск во Македонија
Објавено во: Македонија 06 Мај, 2019
И денес може да
се подигнат карти за Светата литургија на поглаварот на Католичката црква
папата Франциск во Македонија, истакна Тони Ангеловски, портпаролот на МВР на денешната прес
конференција за посетата на папата Франциск во земјава.
На прес конференцијата ги повторија безбедносните мерки кои ќе ги превзема Владата за посетата на папата Франциск во земјава, исто така ги потсетија граѓаните и за промената на сообраќајниот режим.
„Очекуваме над 15 000 верници утре да присуствуваат на Светата литургија со папата Франциск, карти сеуште има и ќе можат да се подигнат и денес на трите пункта низ Скопје“ истакнаа на прес конференцијата.
Задолжително со себе граѓаните да носат документ за лична идентификација, потенцираа на прес конференцијата.
Исто така од Министерството за внатрешни работи потенцираат дека доколку некој утре одлучи да отиде на Светата литургија на плоштад Македонија, а нема земено од бесплатните билети, сепак ќе може да го направи тоа, само ќе треба да се регистрира.
Од Католичката црква во земјава соопштија дека при оваа апостолска посета на поглаварот на Католичката црква очекуваат и најмалку 2000 гости од регионот.