„МНОЗИНСТВОТО АЛБАНЦИ НА ОВИЕ ИЗБОРИ ГО ПРЕТСТАВУВА ВРЕДИ“: еве што му порача некогашниот сопартиец Меџити на Османи
Објавено во: Македонија 03 Мај, 2024
Поранешниот министер за надворешни работи ги разбранува своите противкандидати на престојните парламентарни избори по неговата изјава дека без двојно мнозинство не може да се формира Влада.
Овој пат, му реплицираше неговиот некогашен сопартииец, и некогашен градоначалник на општина Чаир, токму од редовите на ДУИ, Изет Меџити.
Сега дел од коалицијата „Вреди“, кои го кандидираа доктор Арбен Таравари за претседател на овие избори, Меџити, на Османи му порача дека идната влада ќе биде влада на две мнозинства но без ДУИ.
- Мнозинството Албанци на овие избори го претставува коалицијата „Вреди“, а не мултиетничката коалиција „Европски фронт“. Затоа, не манипулирајте со мислењето, и уште поважно, не заканувајте се, бидејќи заканата не е јазик на европските политичари.
Што ако г. Осман смета дека треба детално да го поминам Мајскиот договор, и јас сум подготвен да го сторам тоа во секое време. За разлика од него, кој тогаш се занимаваше со кариера како хирург, јас блокирав раскрсници, протестирав и се судрив со неговиот омилен политичар од ВМРО-ДПМНЕ, Никола Груевски.
Но, ако Бујари мисли дека е исто да се преговара за албанските права и за слободата на Груевски, тоа говори во која насока се движи ДУИ и за тоа единствен лек е албанскиот глас за опозицијата на 8 мај.
Следната реформска влада со целосен 4-годишен мандат ќе биде стабилна со над 70 пратеници, мнозинство бадинтер, без ДУИ и без Левица - напиша Меџити.
Фото: Принтскрин/Фејсбук