Vip на Дигиталниот Самит на земјите од Западен Балкан 2018
Објавено во: Мои пари 19 Април, 2018
Вип со задоволство го објавува учеството на Првиот дигитален самит на земјите од Западен Балкан што се одржува во Скопје од 18 -19 април, 2018г.
На панел дискусијата на тема „ Дигиталната економија и општеството “ што се одржа во рамките на самитот учествуваше и извршниот директор на Vip, Мислав Галер кој потсети на важноста на процесот на дигитализација на општеството во целост и на клучната улога на телекомуникациските компании во развојот на дигиталната револуција преку обезбедување на инфраструктура, пристап и апликации за корисниците.
“Како
дел од А1 групацијата која е присутна со голем број операции во регионот и во
светски рамки, примарно за Вип е дигитална трансформација најпрво во рамките на
компанијата. Преку промената на интерните навики, потенцирањето на агилноста,
воведувањето на нови платформи и обезбедувањето на конкурентни решенија и
знаење, се трансформираме прво самите себе и тоа го правиме со единствена цел -
да понудиме врвно корисничко искуство. Соработката со јавниот сектор и start
up компаниите придонесува за реално живеење на
дигиталната трансформација. Затоа ги забрзуваме инвестициите во
инфраструктурата, новите технологии како и дигитализацијата и иновациите. Со инвестиции
од над 35 милиони евра во изградба на нова мрежа успеавме да обезбедиме мрежа
од следната генерација и продолжуваме да ги истражуваме новите дигитални
технологии за да најдеме најдобар начин да понудиме пофлексибилни и
траргетирани дигитални услуги на своите корисници”, изјави Мислав Галер , извршен директор на Вип на панел
дискусијата во рамките на Првиот дигитален самит на земјите од Западен Балкан.
Дополнително,на саемскиот дел, на штандот на Вип, за идните планови на компанијата поврзани со овозможување на дигитално општество говореше Божидар Полдругац, дирекотр на техника во Вип, а беа организирани и одржани дискусии поврзани со вештачка интелигенција, тестирање на виртуелна реалност, патот до 5G технологија, а големо внимание предизвика и предавањето наменето за најмладите за безбедно користење на интернет, дел од проектот „Интернетот не e само игра. Кликај безбедно".