3.500 банкари во Европа годишно заработуваат по еден милион евра и повеќе

Добивај вести на Viber

Повеќе од 3 500 банкари во Европа заработиле по 1 милион евра или повеќе во минатата година, откако им скокна бројот на континентот и во Велика Британија . На Островот бројот на банкарите бил 12 пати поголем од која и да е друга страна . Податоците на европското банкарско регулаторно тело покажуваат дека банкарите во Лондон лесно го надминале плафонот на бонусите , кој влегува во сила во Европа следната година . Бонусите на најдобро платените банкари биле скоро четири пати поголеми во споредба со нивните плати. Европската унија се обидува да ги ограничи премногу високите плати и од 2014 година бонусите на банкарите нема да можат да ја надминуваат годишната плата или да се двапати поголеми од неа , ако акционерите гласаат за ова. Последните податоци од банкарскиот регулатор покажуваат дека 3.529 банкари во ЕУ заработиле најмалку по 1 милион евра во 2012 година, а нивниот број е за 11% поголем од 2011. Вкупно 2.714 од овие високо платени банкари се во Велика Британија што е зголемување од 11% на годишна основа и го зацврсти статусот на Лондон на глобалниот финансиски центар . Барем 10 000 банкари , од кои повеќето во Лондон , ќе бидат погодени од новите плафони на бонусите . Банки како Barclays , Deutsche Bank и HSBC се очекува да ги намалат бонусите и да ги зголемат платите , за да ги испочитуваат новите правила. Од британските банкари кои заработуваат над 1 милион евра, 2 188 работат во инвестициското банкарство , 62 се во банкарството на мало , 198 во управувањето со средства , а 266 во други сфери . Вкупно 212 банкари во Германија добиле над 1 милион евра минатата година , или за 25% повеќе од 2011 година. Подеднакво добро се платени банкарите во Франција, 177 и 109 во Италија . Во Шпанија , која требаше да ужива спасувачки средства за банките, бројот на банкарите кои заработуваат над 1 милион евра една еопаднат за 20 % до 100 . Некои земји како Чешка и Естонија не можат да се пофалат со толку добро заработувачки банкари , додека во Полска имало седум . Ирска , која речиси банкротира поради банкарската криза , имала 16 лица со плати  над 1 милион евра , во споредба со 21 година порано. Кипар имал три , Грција еден . Податоците се за вработените кои работат во соодветната земја , а не во седиште на банката , што значи дека податоците за Велика Британија ги вклучуваат добро платените банкари од меѓународни банки како Goldman Sachs и JPMorgan .