Ѕанакопулос вели дека е можно да нема решение за името?
Објавено во: Балкан 27 Февруари, 2018
Портпаролот на грчката Влада, Димитрис Ѕанакопулос за грчката телевизија „Алфа“, изјави дека грчките позиции и предуслови се јасни, а соседната земја е таа што треба да покаже волја и расположение за договор, а во спротивно нема да има решение.
„Ние имаме кажано кои се предусловите за да се постигне решение. Оттука, доколку нашите соседи имаат расположение и волја да одиме напред, да се насочиме кон едно заемно прифатливо решение, ние сме отворени и го имаме покажано тоа, ако не, нема да има решение“ – рече Ѕанакопулос.
Уставот е домашна книга и нема последници надвор од земјата, поради тоа нема потреба да се смени, порача македонскиот премиер Зоран Заев во интервјуто за Еуроњуз. Заев оцени дека е доволна ревизијата на Уставот од 1993 година која се направи поради чувствата на, како што рече, нашите пријатели Грците и за да се чувствуваат поудобно направена е и втора ревизија.