Ако го вратат во Хаг, Шешељ ќе се убие

Добивај вести на Viber

Лидерот на Српската радикална партија и пратеник, Воислав Шешељ вели дека нема намера да се врати во Хаг, каде на 13 декември го очекува жалбена расправа околу ослободителната пресуда за воени злосторства.

На прашањето дали би се решил на самоубиство, како што тоа го направи хрватскиот генерал Слободан Праљак, за чија постапка претходно кажа дека „заслужува почит“, Шешељ кажа дека тоа би го направил посуптилно, а „не на препад“. Рече дека тоа ќе го направи полека, за да ги мачи луѓето во трибуналот. 

„Би почнал штрајк со глад, и тоа јавно, пред камери, додека не ги исполнат моите услови. Ако не ги исполнам, тие знаат дека сум спремен да одам до крај. Го знаат тие тоа и затоа се плашат од мене“- кажа Шешељ. 

Тој за време на судењето во Хаг веќе штрајкуваше со глад 28 дена откако, поради непочитување на судот, му беа забранети посетите од семејството.

Шешељ изјави дека пресудата и Трибуналот повеќе не го интересираат, ни по цена на животот и дека во Хаг може да го однесат „само во ланци“.

Српскиот радикал на 13 декември во Хаг го очекува жалбена расправа за пресудата за воени злосторства.

Судот информираше  дека во случај Шешељ да не се одѕве на расправата, неговите интереси ќе ги застапува адвокат по службена должност.

Хашкиот суд со првостепената пресуда го ослободи од вина Шешељ по сите точки од обвинението за воени злосторства во БиХ, Хрватска и против Хрватите во Војводина.

Инаку, хрватскиот генерал се отру откако ја слушна пресудата, а почина во болница.