АКУСТИЧНОТО ПИЈАНО ГО ОБЕЛЕЖА ТРЕТИОТ ДЕН ОД SKOPJE STREET MUSIC FESTIVAL
Објавено во: Мои пари 24 Јуни, 2018
Звуците од клавишите на акустичното пијано се разлеаја низ улиците на Скопје. Со оваа реченица може да се опише третиот ден од Skopje Street Music Festival. Акустичното пијано, кое поради своите карактеристики и големина, многу ретко се поставува надвор од концертните сали, внесе нова димензија на композициите на Астор Пијацола, во изведба на Pezzanov Pizzola Project во градскиот парк. Под вештите прсти на познатата пијанистка Дуња Иванова ја доловуваше атмосферата од сцени на филмовите „Часови“ и „Пијано“.
„Поставувањето на акустичен инструмент на нестандардна локација е привлечно за минувачите, а предизвик за изведувачот“, вели пијанистката Иванова. „Минимализмот беше предзнак и на овој мој настап, како можност за музичко искуство кое за публиката ќе обезбеди патување низ мислите и чувствата“- додава таа.
Во вечерниот термин на Боемска улица, акустичното пијано и даде посебен призвук на џез музиката. Бојана Фабел која настапи со нејзиното џез трио и Next to Silence, изведоа оригинални, но и реаранжирани дела од богатиот опус на Enrico Rava, Jan Garbarek, Carla Bley и други.
Со својот „пеперминтски“ поглед на музиката, членовите на групата Пеперминт ја освежија публиката на плоштад Македонија. Заеднички ги испеаја текстовите на „Бранка“, „Нос“, „Ако“ и секако „Девојката со точакот“. Вториот настап на оваа локација беше резервиран за Fighting Windmills, кои преку различните жанровски стилови што ги негуваат во својата музика и виртуозот на удирачки инструменти, перкусионистот Антоние Весковски, го доведоа задоволството на публиката до кулминација.
Програмата на Skopje Street Music Festival продолжува и денес, во Градски парк, ТЦ Лептокарија и плоштад Македонија. Настапуваат: Quartet VivArt, The quartet, Just the 3 of us, Кристијан Гиноски – гитара, No Name, Bossa Un Der Cover и Musaiq.
Ко-организатор на фестивалот е Конгресен центар Александар Македонски, а покровител е Град Скопје.
Повеќе информации за фестивалот се достапни на www.skopjestreetmusicfestival.com.
Можеби ќе ве интересира
Успешен и профитабилен прв квартал од 2024 за НЛБ Банка
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
