АМБИЦИОЗЕН ПРОЕКТ: Саудиска Арабија вложува милијарди долари во забавни бизниси
Објавено во: Свет 21 Септември, 2017
Саудиска Арабија ќе инвестира 2,7 милијарди долари во нови проекти за забава, извести на СNN Money. Царството сака да ги поттикне своите жители да трошат повеќе време во земјата и помалку да патуваат надвор.
Затоа, државниот суверен фонд создава посебна компанија која инвестира во договори со стратешки партнери во забавен бизнис.
Една од инвестициите ќе биде забавен комплекс кој треба да се отвори во 2019 година, објави официјалната новинска агенција на Саудиска Арабија.
Во моментов, во конзервативната муслиманска земја има многу малку забава. Концертите и театрите се забранети. Првиот отворен музички концерт се одржа оваа година, а на него им беше дозволен влез само на мажите.
Целта на новиот потфат да инвестира во забавната дејност е да привлече 50 милиони посетители годишно за идните атракции до 2030 година и да создаде над 22.000 работни места во кралството. Тоа би додало 8 милијарди ријали (2 милијарди долари) на бруто-производ на земјата, објави владината агенција.
Наспроти падот на цените на нафтата, земјата се обидува да ја диверзифицира економијата и да ја намали зависноста од приходите од енергија.
Сега милиони Саудијци патуваат во соседните земји за рекреација и забава. Само во 2017 година, речиси еден милион жители на кралството го посетија Дубаи, а властите претпочитаат да ги трошат своите пари во својата земја.
Во април, Саудиска Арабија објави дека гради град со 334 квадратни километри за спорт, културни настани и забава.
Првата фаза од градскиот проект, кој се наоѓа југозападно од главниот град Ријад, се очекува да биде подготвена во 2022 година и вклучува тематски парк како главна атракција.
Огромното мнозинство од 8 милиони туристи кои секоја година доаѓаат во земјата се главно аџии во посета на светите места на муслиманите како Мека. Саудиска Арабија сака да ги зголеми туристите на 30 милиони годишно до 2030 година
Таа дури се надева дека ќе стане дестинација за плажа-туризам, планира да изгради одморалишта, хотели и станбени комплекси на 100-километарскиот дел од Црвеното Море. Овој проект мора да биде завршен во 2022 година.
Можеби ќе ве интересира
ВИЛИЈАМ ЌЕ СТАНЕ КРАЛ, А КЕЈТ КРАЛИЦА - што ќе се случи со Камила во случај на смрт на Чарлс
ДАЛИ СЕ РАЃА НОВА НАДЕЖ ВО БОРБАТА СО РАКОТ: Започнуваат клиничките испитувања во фаза 3, британците тестираат вакцини за меланом
БАКИНГЕМСКАТА ПАЛАТА ИЗЛЕЗЕ СО ВАЖНО СООПШТЕНИЕ ЗА ЗДРАВЈЕТО НА КРАЛОТ ЧАРЛС: Еве кога и дали воопшто ќе се врати на должностите
ЕДЕН ОД НАЈГОЛЕМИТЕ ТРГОВСКИ СИНЏИРИ ВО ЕВРОПА Е ПРЕД БАНКРОТ: Се затвораат 16 стоковни куќи, 1.400 работници остануваат без работа
ОБЈАВЕНА ГОЛЕМА АНАЛИЗА КОЈА ЈА ПОКАЖУВА ГОРКАТА ВИСТИНА: Најмногу отрови се пронајдени во овие овошја и зеленчуци
ОВА Е ЧОВЕКОТ КОЈ ЈА ЧУВА „ВРАТАТА“ НА АРАПИТЕ: Тежи 1,5 трилиони долари, никој не може да го сретне, ниту 10 минути
ВО ГЕРМАНИЈА СЀ ПОВЕЌЕ СЕ ЧУВСТВУВААТ ПОСЛЕДИЦИТЕ ОД КРИЗАТА: Пристигна загрижувачка оценка
КУЌИ СРАМНЕТИ СО ЗЕМЈА, ВОЗОВИ ЛЕТАА ОД ШИНИТЕ: Десетици торнада ги погодија САД
ЗА НАПАДОТ ВО МОСКВА: Руската полиција уапси уште еден Таџикистанец
