Анѓушев најави поддршка за текстилната и кожарската индустрија-овој сектор сеуште со најниски плати

Добивај вести на Viber

Инвестиции, поддршка и зголемени плати во текстилската и кожарска индустрија најавени денеска од Штип.

Вицепремиерот Кочо Анѓушев при денешните посети на две фабрики Штип испрати надежни пораки а за да се движат напред текстилната и кожарската индустрија според Анѓушев потребно е да се зголеми нивото на автоматизацијата и технологијата на работа.

„Државата ќе помогне со новиот закон на којшто дадовме амандман и поволности да кожарската и текстилната индустрија добијат поврат на инвестицијата, без задоволување на критериумите како другите индустрии. Тоа е многу важно. Исто така, во законот и во мерките кои се предвидени преку Фондот за иновации и технолошки развој, се отвора простор за правење нови колекции, како и изградба на развојни центри во делот на текстилот“, кажа Анѓушев .

Недостигот, според Владата која крои мерки за подобрување на овие два сектори, на работна сила ќе се решава со зголемени плати.

Според Анѓушев со тие мерки ќе се овозможи поврат во висина од 10% од инвестициите кои ќе ги реализира компанијата, дополнителни 10%, доколку со тие инвестиции се овозможи зголемена конкурентност на нови пазари. 

Дополнително, во насока на растот на платите на вработените во индустријата и поттикнување на нови вработувања, Владата ќе овозможи поврат од 20% од исплатена нето плата повисока од 18.000 денари, за нововработените лица.

Текстилството и кожарската индустрија се уште се на листата најслабо платени сектори во државата, а текстилните работници се најмалку платени а некои од нив не земаат ниту минимална пропишана плата .