Анкета на Фактор: Кој од функционерите е прв за „метлата“ на Заев
Објавено во: Македонија 06 Мај, 2019
Изборите завршија, сега следува работа. Стручната јавност на СДСМ му порача уште по првиот круг дека треба да се фокусира поагресивно кон работата, а самиот лидер Зоран Заев неколкупати рече дека ќе „игра метлата“ алудирајќи дека некои од поставените функционери треба да си одат.
Има многу носители на функции, директори, заменици директори, па и градоначалници кои не сработеа според очекуваното. Во анкета која од денеска е поставена на Фактор сепак можете да изберете само еден од понудените, повеќето министри, кој повеќе не треба да ја врши таа функција. Гласате меѓу Драган Тевдовски, министерот за финансии, Горан Сугарески, министер за транспорт и врски, Оливер Спасовски, министер за внатрешни работи, Венко Филипче, министер за здравство, Јани Макрадули, заменик министер за животна средина и просторно планирање, Рената Дескоска, министер за правда, Кочо Анѓушев заменик претседател на Владата и Александар Кирацовски, секретар во партијата.