Антикорупционерите ги отфрлија приговорите против Арсовска и Димитриевски од Левица и СДСМ
Објавено во: Македонија 10 Октомври, 2021
Антикорупциска комисија ја отфрли претставката на Левица во однос на финансирањето на предизборната кампања на независната кандидатка поддржана од ВМРО ДПМНЕ, Данела Арсовска.
Антикорупционерите ги отфрлија приговорите на Левица и СДСМ но им заблагодари дека укажале на ризици од корупција. Димитар Апасиев ја пријави независната кандидатка за градоначалник на Скопје Данела Арсовска дека без официјално потпишан договор со ВМРО ДПМНЕ, незаконски го користела просторот и средствата за рекламирање на партијата. ДКСК по проверките заклучила дека Арсовска немала обврска да има писмен договор за отстапување на медиумски простор но и дека тоа и овозможило фаворизирање.
СДСМ пак пред Антикорупциската Комисија го оспори рекламирањето на својот некогашен член и актуелен градоначалник на Куманово Максим Димитриевски. Партијата поднела приговор наведувајќи дека Димитриевски добил повеќе рекламни паноа и билборди отколку што му следува. Општина Куманово пак одговорила дека им останале неискористени билборди, па оттаму останатите кандидати за градоначалник меѓу кои и независните како Димитриевски имале право да ги искористат. Антикорупциска, иако го отфрли приговорот, дојде до заклучок дека во Изборниот законик нема критериуми за распределба на неискористениот рекламен простор. Претседателката на Комисијата Ивановска законите ја отежнуваат регулацијата на рекламирањето.
За сите слабости кои ги констатираат Антикорупционерите најавија дека ќе спроведат антикорупциска проверка, а своите заклучоци ќе ги наведат во посебниот извештај кој по изборите ќе го достават до Собранието.