Антикорупциска виде судир на интереси, а Владата не: Рамадани е директор на МЕПСО
Објавено во: Економија 06 Декември, 2020
Ставот на Владата е дека нема судир на интереси во однос на поставувањето на Куштрим Рамадани за директор на МЕПСО, вели денеска министерот за транспорт и врски Благој Бочварски. Државната комисија за спречување на корупцијата имаше спротивен став но решението за директорската позиција остана односно Управниот одбор на МЕПСО дал предлог и го изгласал Рамадани за директор на компанијата. Рамадани беше заменик претседател на Регулаторната комисија на енергетија
„МЕПСО има свој Управен и Надзорен одбор. Надзорниот одбор согласно законските можности избира претседател на Управниот одбор и сите останати органи и тела на компанијата. Управниот одбор на МЕПСО има дадено предлог и го има изгласано Куштрим Рамадани за директор на компанијата. Сепак, ќе ја следиме состојбата и ќе ги видиме сите аргументи и прашања кои се отвораат и стоиме на располагање да разговараме на оваа тема. Мислам дека според сите правни аргументи кои досега ги имам слушнато јас, но и Владата дека таму нема судир на интереси, рече Бочварски во одговор на прашање на одбележувањето на воспоставувањето нова директна авиолинија меѓу Скопје и Киев.