Апелација да ја преиспита условната казна за сообраќајката кај Млечен: Во сабота мото протест
Објавено во: Македонија 17 Декември, 2020
„Со мото протестот, ние, мото клубовите и поединци од Македонија, сакаме да ја предупредиме јавноста и институциите дека владее недозволива неказнивост на сторители на тешки кривични дела кои завршуваат со смрт во сообраќајни несреќи каде инволвирани се мотоциклисти. Сообраќајните незгоди можат да му се случат на секого, вклучувајќи не и нас мотоциклистите, но секој треба да одговара за своите постапки. Во изминатите години сме сведоци на многу случаи во кои мотоциклисти гинат на патиштата низ Македонија, а одговорните лица не ја добиваат заслужената казна, велат во најавата.
Велат дека овој мото протест е и опомена до судовите и обвинителствата но и апел до Апелационите судови, вклучувајќи ја и скопска Апелација, да ја преиспитаат пресудата за како што велат, нивниот брат Гоце настрадан кај Млечен.
Се поаѓа од 12 часот од Веро Тафталиџе, потоа ќе се блоки една лента (со пауза од една минута молчење/или турирање, да му се одаде почит на загинатиот)
За во 12:30 е планирано да се блокира булеварот пред Основен Суд Скопје 1.