БАФЕТ СОВЕТУВА: Оваа вештина ќе ви ја зголеми вредноста за 50 отсто!
Објавено во: Финансии 19 Јануари, 2017
Милијардерот Ворен Бафет им дал совет на студентите на Универзитетот Колумбија што е навредна вештина која треба да ја стекнат.
Замислете дека треба да работите само на една вештина во 2017 година. Која би била таа? Бафет вели дека тоа е јавниот говор. Ако сте добри во јавниот настап, тоа ќе ја зголеми вашата вредност за 50 отсто. Еве како поентирал:
„Ќе ви платам 100 000 долари веднаш за 10 отсто од вашата идна заработка, на било кој од вас. Ако сте заинтересирани , се гледаме после предавањето.“
Откако запрела смеата, тој се озбилил и продолжил:
„Сега можете да ја подобрите својата вредност за 50 отсто ако научите една комуникациска вештина-јавен говор. Ако на тоа се одлучите, се гледаме после предавањето, и ќе ви дадам 150 000 долари.
Ако престрашите на самата помисла дека треба да говорите пред многу луѓе, не грижете се, не сте единствени. И Бафет го имал истиот проблем. Како млад, запишал курс на јавен говор, но набрзо се откажал, бидејќи се плашел дека ќе биде повикан да говори пред сите. Меѓутоа, од вториот пат го завршил курсот и сега гордо го истакнува тој факт.