Бектеши ги покажа ваучерите за туристичките агенции
Објавено во: Економија 24 Март, 2020
Крешник Бектешки, министерот за економија, денеска ги претстави ваучерите за погодените комерцијални субјекти во туристичкиот сектор кои се погодени од бранот откажувања на аранжманите. За таа цел изготвена е уредба со законска сила која ќе треба да се изгласа на седница на Влада и да стапи на сила.
Ваучери како државна помош ќе им се доделат на туристичките агенции во вредност од сумата за уплата на ангажманот откажан поради коронавирусот.. Со тоа ќе им се овозможи да издаваат ваучери во износ од уплатената сума заклучно со 31 декември 2021 година.
- Агенциите кои ќе престанат да ја вршат дејноста имаат обврска средствата целосно да им ги вратат на клиентите. Оние кои нема да ги почитуваат условите, ќе добијат казни. За поддршка на туризмот, Здружението за заштита на авторски и музички права донесе одлука да ги ослободи од плаќање од надоместок за музика, хотелите, угостителските објекти, со оглед на тоа што и моментално не работат, изјави Бектеши.