БЕРОВО ВО ПАНИКА: Се повеќе новозаразени, само двајца доктори, нема епидемиолог, а тестирањата во Кочани
Објавено во: Македонија 24 Август, 2020
Со само два доктори кои рабтат во здравствениот дом функционира моментално во градот Берово. Иако таму до скоро речиси и да немаше заболени, во последната недела бројот на новозаразени со коронавирусот почна да се зголемува. Во последното деноноќие се регистрирани два нови случаи, а моментално активни се 27.
Беровчани се многу загрижени и реагираат дека ситуацијата може да излезе од контрола. Бараат државата итно да прати епидемиолог. затоа што еден епидемиолог сег апокрива три општини и тоа Пехчево, Берово и Виница. Дополнително и директорот на болницата во Берово бил заболен - сега се стравува во случај да се разболат и другите двајца доктори, ќе нема кој да ги лекува пациентите.
Дел од граѓаните бараат пункт за тестирање достапен за сите.
„Тестирањата во Берово се вршат во вторник, се праќаат во Кочани, а резултати се добиваат за четири дена. Во меѓувреме луѓето со симптоми се шетаат по Скопје за да се тестираат побрзо, сведочи беровчанка.