Бесплатна превенција за здрави заби и уста

Добивај вести на Viber

Граѓаните на Скопје, масовно, правеа бесплатни превентивни прегледи за здравјето на забите и на устата во рамки на тридневната кампања „Проверете се“, што ја организираат ЕТЕРНА Дент Центарот задентално здравје и брендот ЛАКАЛУТ по повод Светскиот ден на оралното здравје, 20 март 2017.

Оваа акција, велат од ЕТЕРНА Дент, се реализира со цел да се подигне свеста за превенција од сериозни орални заболувања.

Во првите два дена, докторите на ЕТЕРНА Дент направиле вкупно 118 бесплатни превентивни прегледи за рана детекција на орален карцином со апаратот Velscope. Од сите прегледи, детектирана е само една сомнителна лезија за која е закажана контролен преглед. Граѓаните, преку флаери и едукативни информации добиваа совети за симптомите, зачестеноста и превенцијата на оралниот карцином.

Брендот Лакалут, преку различни кампањи, континуирано, ја подигнува свесноста за оралното здравје. Една од овие кампањи е „Патот до здрави заби“, во која зајче-маскотата Четко Четковски, на забавен начин, ги едуцира дечињата да стекнат хигиенски навики и да се грижат за оралното здрајве уште од мали нозе. Секоја кампања за подигнување на свесноста за одржување на оралното здравје и намалување на опасноста од појава на сериозни заболувања ќе биде поддржана од Лакалут.