БЕЖОВСКА-АНГЕЛОВСКА: Потенцијалниот инвеститор не покажа план за брза докапитализација на Еуростандард, кој би обезбедил нејзина одржливост

Добивај вести на Viber

Потенцијалниот инвеститор во Еуростандард банка не планирал брза докапитализација на банката, во обем и со динамика кој би гарантирал нејзина одржливост. 

Ова во интервју за Фокус го тврди гувернерката на Народна банка на Македонија Анита Бежовска Ангеловска.

„Како што и претходно известивме, Народна банка во периодот пред укинувањето на дозволата беше во интензивна комуникација со инвеститорот посочен од сопствениците на Еуростандард банка, при што јасно му беа презентирани состојбата на банката и потребата од итна докапитализација, а воедно беше информиран и за законските услови за акционер во банка, и документацијата што треба да се достви до Народна банка. 

Потенцијалниот инвеститор направи детална анализа за состојбите во банката, и презентира план за нејзина натамошна поддршка. Планот не вклучуваше подготвеност на потенцијалниот акционер за брза докапитализација на банката во обем и со динамика кои би овозможиле нејзина одржливост. Ниту, пак, Народна банка ја доби сета потребна доументација за да може да оцени дали станува збор за инвеститор што ги исполнува законските барања за акционер во банка. Имајќи го предвид сето ова, Народна банка немаше друг избор“, вели Бежовска Ангеловска во интервјуто.