Битиќи: Одлуката за боледување поради Ковид-19 важи за сите

Добивај вести на Viber

Вицепремиерот за економски прашања Фатмир Битиќи рече дека ќе важи за сите владината одлука вработените кои имаат симптоми или се заболени од ковид-19 како и лицата кои се во изолација, но се асимптоматични, а за кои е констатирано дека се позитивни на Ковид-19, да ја добиваат целата основица од нето-платата додека се на боледување поради привремена спреченост за работа,.

- Одлуката важи за сите. Товарот како обврска го превзема Фондот за здравствено осигурување. Остануваат истите правила за првите 15 дена обврската да биде кај  работодавачат, а после обврската ја превзема Фондот. Беше проблематична уредбата околу тоа колку отсто треба да се плати, бидејќи Ковид-19 не е вкрстен со другите болести и тоа беше дилемата, рече Битиќи, одговарајќи на новинарско прашање.

Вицепремиерот додаде дека нема дискриминација кон приватниот сектор кога администрацијата работи од дома. Јавната администрација, како што вели тој, е на работа, а ротирањето само значи дека во одреден момент некои работат онлајн. 

- Ниту сограѓаните од администрацијата не се имуни на болеста. Тие кога се ротираат работат од дома онлајн. Не работат со намален капацитет. Тие од мојот кабинет работат постојано од дома. Тука нема дискриминација и привилегија, додаде Битиќи.