Бизнисот загрижен за несигурната иднина: Светските банки се селат од Лондон во Франкфурт

Добивај вести на Viber

Некои од најголемите банки во светот одлучија да изнајмат повеќе канцелариски простор во Франкфурт, зголемувајќи го влијанието на германскиот финансиски центар, пишува Ројтерс. Одлуката беше донесена по неколкумесечните преговори за Брегзит меѓу Велика Британија и Европската унија, што ја направи иднината на Лондон посигурна од кога било.

Голдман Сакс ќе изнајми 10.000 квадратни метри канцелариски простор во новата зграда Мариентур во Франкфурт. Ова е една од најголемите победи во градот откако беше објавено дека Велика Британија ќе ја напушти ЕУ. Банката ќе ги окупира осумте последни катови од 37-катната кула, која во моментов се гради. Ќе има простор за илјада вработени, објаснува еден извор запознаен со предметот.

Морган Стенли, исто така, потпиша договор за закуп на канцелариски простор во кулата Омнитрам, која исто така се гради. Банката има 200 вработени во Франкфурт и експертите очекуваат оваа бројка да се удвои. Банката одби да коментира.

JP Morgan исто размислува да ангажира два дополнителни ката во висока кула во центарот на германскиот град, од која во моментов користи пет спрата. Во моментов, банката има 450 вработени во Франкфурт.

Од Ситигруп велат дека ќе ги прошират своите операции во градот со додавање на 150 вработени. Планот е внатрешно проширување на сегашната зграда на банката наречена Веле, која се наоѓа во близина на оперската куќа во Франкфурт.

Проширувањето на операциите на банките во Франкфурт и претстојното повлекување од Лондон е резултат од растечката загриженост за иднината на лондонски финансиски центар покрај бавните и жестоки преговори помеѓу британскиот министер за прашањата за Брегзит Дејвид Дејвис и главен преговарач од името на Европската комисија Мишел Барние.

Иако некои лондонски политичари се скептични дека банките ќе преместат многу од нивните операции, банките во Лондон Сити сметаат дека е итно да се делува.