БЛИЗУ Е, А И ПЛАТАТА Е ДОБРА: Соседството нуди шанса за сезонски работници
Објавено во: Балкан 11 Април, 2017
Бидејќи за тамошните професии во угостителството не можат да најдат доволно кандидати од Хрватска, тамошните сопственици на ресторани, кафе барови, хотели и туристички агенции се вртат кон земјите од регионот.
Најмногу работници се бараат во соседна Босна, додека српските и нашите сезонски работници и понатаму традиционално се вртат кон Црна Гора и Грција. Меѓутоа, и тоа се менува.
Во Хрватска според зборовите на директорот на новосадска агенција за вработување Агава, преку целата година и за постојано работат мал број работници, но во текот на летната сезона тој број надминал и 1 000.
„Во најголема мера тие 1 000 луѓе работат угостителски работи, а на работодавците од стручно образование тоа им е многу поважно отколку искуството. Се заработуваат од 600 до 2 000 евра месечно, а важно е да се напомене дека на работникот со тоа му е обезбедено бесплатно сместување и храна од страна на работодавецот, како и дека сите работници се пријавени на ПИО и здравствено осигурување“, вели Петар Драгичевиќ.
Тоа зачи дека поголемиот дел од заработката после сезоната, работникот си ја носи дома, а што е уште поважно-сезоната во Хрватска трае пет-шест месеци, од април или мај до октомври, па така е обезбедена и подолга работа и повеќе пари.
„Најдобриот работодавец што се однесува до платите се мали ресторани, а најдобри услови за работа се во одредени хотели со четири и пет ѕвезди“, напоменува директорот.