Бугарија се уште опседната со Кајмакчалан - Македонците неблагодарни за жртвите

Добивај вести на Viber

Бугарска новинска агенција Фокус се уште ја одржува активна темата за одбележување на 100 години од битката на Кајмакчалан во која загинале над 3000 бугарски војници, како и за улогата на македонските власти при приемот на бугарската делегација. 

Во интервју со Јулијан Гендов, поранешен вице-гувернер на областа Варна се потенцира дека македонската страна направила големи пречки во организацијата на поменот, а голема помош добиле од грчката армија која го овозможила чествувањето.

„Нашите предци се бореле за слободата на Македонија и ја заштувале, а 100 години подоцна грчката армија создаде добра организација и многу ни помогна. Присуството на грчки и бугарски генерали горе на врвот дава нов ракурс. Апсолутен парадокс е што македонската страна направи се што е возможно да не допушти наше чествување на нивна територија. Во предвид дека нашите прадедовци се бореле за Бугарите во Македонија сметам дека однесувањето е апсолутно недопуштливо кое е многу срамно и неправедно. Срамота е што нашите роднини од Македонија се однесуваат на ваков примитивен начин“ истакна Гендов во интервјуто за бугарски Фокус.

Да потсетиме дека деновиве го поддржуваат и медиумскиот циркус со самопрогласениот ловец на фашисти Динко Велев кој се обиде со нова спомен плоча да ја премине границата и да се пресмета со Миленко Неделковски кој пак со чекан ја искрши нелегално поставената плоча од бугарските војници. На местото на битката од Првата светска војна стојат сите спомен обележја кои се официјално поставени.